I Saw the Wild Geese Fly

Oh tell me fit wis on yer road, ye roarin nor'land wind

As ye cam blawin frae the land that's never frae ma mind

Ma feet they traivel England but am deein fur the north

Ma man has saw the siller tides rin up the Firth o' Forth

Aye wind I ken them weel eneuch and fine they fa' and rise

And fain I'd feel the creepin mist on yonder shore that lies

But tell me as ye pass them by fit saw ye on the way

Ma man a rocked the rovin gulls that sail abun the Tay.

But saw ye naethin leein wind afore ye cam tae Fife?

Fur there's muckle lying ayont the Tay that's mair tae me nor life

Ma man has swept the Angus braes that ye hivlnae trod fur years

Oh wind forgie a hameless loon that canna see fur tears

And far abun the Angus straths ah saw the wild geese flee

A lang, lang skien o' beatin wings wi' thir heids toward the sea

And aye thir cryin voices trailed ahint them on the air

Oh wind hae mercy, hud yer whisht fur a durna listen mair